அசோக் காலிங் அசோக் – 17
(ashok calling ashok 17)
“அவ கதையை முடிச்சிறலாம்..”
“கதையா..?? ஸ்க்ரூதான இந்தக்கதையை எழுதுறாரு… அவர்கிட்டயே சொல்லி முடிக்க சொல்லிடு..!!”
“அடச்சை.. அவ மேட்டரை முடிச்சுடுன்னு சொல்ல வந்தேன்..”
“இப்போத்தான அவ மேட்டரை முடிச்சேன்..?? மறுபடியும் கூப்பிட்டா வருவாளா சீனி..??”
“ஐயையையையையோ…!!!!!!! அவளை போட்டுத் தள்ளிடுன்னு சொல்றேன்டா.. பொறம்போக்கு..!!!!”
“அதான் ஏற்கனவே போட்டு..”
“ஆஆஆஆ…!!! நிறுத்துடா கருமம் புடிச்சவனே..!! அதுக்கும் ஒரு டபுள் மீனிங் டயலாக் சொல்லுவ நீ..!! சரி சரி..!! தெளிவாவே சொல்றேன்..!! அவளை கொலை பண்ணிடு..!! கொலை.. கொலை..!! மர்டர்..!!!! புரியுதா..??”
“கொலையா..???” நான் நிஜமாகவே அதிர்ந்து போனவனாய் கேட்டேன்.
“ஆமாம்..!! இந்த கழுத்தை நெரிச்சு.. இல்லனா.. கத்தியால குத்தி பண்ணுவாங்களே..!!! அது..!!”
“ஐயையோ.. என்னய்யா சொல்ற சீனி..?? என் லேகா குட்டியை நான் கொலை பண்ணுறதா..? ம்ஹூம்..!! சான்சே இல்ல.. என்னால முடியாது..!! வேற ஏதாவது ஐடியா இருந்தா சொல்லு..!!”
“இங்க பாரு ஜூனி.. நமக்கு அதைவிட்ட இப்போ வேற வழி இல்ல..!! அவளை கட்டிக்கிட்டு.. ஒவ்வொரு நாளும் நீ உதை பட்டு சாகுறதுக்கு.. இப்போவே ஒரேடியா அவளை காலி பண்ணிடு..!!”
“வெளையாடாத சீனி.. கொலை பண்றது என்ன.. அவ்ளோ ஈசியா..?”
நான் செல்போனில் தெரிந்த சீனியரின் முகத்தை பார்த்து, அந்த மாதிரி மறுப்பாய் பேசிக்கொண்டு இருக்கும்போதுதான் அது நடந்தது. அவருக்கு இடதுபக்கம் இருந்து ஒரு கை திடீரென முளைத்து, அவருடைய கன்னத்தில் ‘பொளேர்ர்ர்…!!!’ என ஒரு அறைவிட்டது. பொறி கலங்கிப் போன சீனியர், உக்காந்திருந்த சேரில் இருந்து தவறி கீழே விழுந்தார்.
இப்போது அந்த சேரில் ஒரு கனத்த பெண்மணி வந்து அமர்ந்தாள். யார் அது என்று ஓரிரு வினாடிகள் நான் குழம்பினாலும், வயதான லேகாதான் அது என்று உடனே என்னால் புரிந்து கொள்ள முடிந்தது. உடல் சதை போட்டு, தோல் சற்று சுருக்கம் விழுந்திருந்தாலும் என்னால் எளிதில் கண்டுபிடிக்க முடிந்தது.
அவள் இப்போது கீழே விழுந்து கிடந்த சீனியரின் தலைமயிறை கொத்தாக பிடித்து மேலே தூக்கினாள். அப்படியே அவருடைய தலையை பிடித்து, இப்படியும் அப்படியுமாய் ஆட்டு ஆட்டு என்று ஆட்டினாள். கல்லடி வாங்கிய நாய் மாதிரியே சீனியர் கதற, அவள் கையை மடக்கி அவரின் முகத்திலேயே கும்மு கும்மு என்று குத்த ஆரம்பித்தாள். நடப்பதை நம்ப முடியாதவனாய், நான் வெலவெலத்துப் போய் பார்த்துக் கொண்டிருக்க, அவள் சீனியரை பார்த்து கொடூரமான குரலில் கத்தினாள்.
“நானும் போனா போகுது கொஞ்சம் விட்டுப் புடிக்கலாம்னு பாத்தா.. கொலை பண்ற ரேஞ்சுக்கு துணிஞ்சுட்டீயா நீ..?? இன்னைக்கு என்ன பண்றேன்னு பாரு உன்னை..??”
ஆத்திரமாக சொன்னவள், திடீரென கேமராவின் பக்கம் திரும்பி, என்னை உக்கிரமாக முறைத்தாள். ஐயோ..!! அம்மா…!!!! என்ன ஒரு ஆக்ரோஷம் அந்த முகத்தில்..??? என்ன ஒரு உஷ்ணம் அந்த கண்களில்..???? என் லேகாவா இப்படி எல்லாம் மாறப் போகிறாள்..?? நம்பவே முடியவில்லை என்னால்..!! நான் அவளுடைய முகத்தை பார்த்து நடுங்கிக் கொண்டிருக்கும்போதே, அவள் பற்களை நறநறவென கடித்தவாறு கத்தினாள்.
“டேய்… லைன்ல இருக்கியா..??”
“ம்ம்ம்.. இருக்குறேன் மேடம்..!!” நான் குலை நடுங்கிப் போனவனாய் சொன்னேன்.
“என்னடா.. மர்டர் பண்ண ப்ளான் போடுறீங்களா..? தொலைச்சுப்புடுவேன் தொலைச்சு..!!”
“ஐயையோ.. இல்லைங்க மேடம்.. எல்லாம் அவர்தான்..”
“இந்த ஆளு சொன்னா.. உனக்கு எங்கடா போச்சு புத்தி…?”
“தப்புத்தான் மேடம்.. மன்னிச்சுக்கோங்க..!!”
“ம்ம்ம்… இன்னைக்கே இந்த மெசின்லாம் தீயை வச்சு கொளுத்திடுறேன்..!! இனிமே நீங்க எப்படி ப்ளான் போடுறீங்கன்னு.. நானும் பாக்குறேன்..!! ம்ம்ம்ம்… எங்க இருக்குறா அவ..?”
“யாரு..?”
“ம்ம்ம்..??? லேகா..!!”
“லேகாவை உங்களுக்கு தெரியுமா..?”
“அடச்சை.. கதையே முடியப் போகுது..!! இன்னும் இந்த மாதிரி லூசுத்தனமா கேள்வி கேக்குறதை நீ விட மாட்டியா..? சொல்லு… எங்க இருக்குறா அவ..?”
“அ…அவ.. பெட்ரூம்ல இருக்குறா..!! ரொம்ப டயர்டாயிட்டா.. அதான்.. அசந்து தூங்கிட்டா..”
“ம்ம்ம்.. எல்லாம் நல்ல படியா நடந்து முடிஞ்சதா..?”
“எதை கேக்குறீங்க நீங்க..?”
“ம்ம்ம்ம்..???? பேராப்பு..!!!!”
“அ…அதுலாம் நல்ல படியா முடிஞ்சதுங்க..!! ஏங்க.. பேராப்பு மொதக்கொண்டு.. உங்களுக்கு எல்லாமே தெரியுமாங்க..??” நான் பரிதாபமாக கேட்டேன்.
“தெரியும் தெரியும்.. எல்லாம் தெரியும்..!! இந்த ஆளு உன்கூட பேச ஆரம்பிச்ச மொத நாள்ல இருந்தே.. நான் நீங்க பேசுறதை ஒட்டுக் கேட்டுக்கிட்டுதான் இருக்குறேன்..!! அதுமட்டுமில்ல.. லேகாவோடவும் டெயிலி பேசிட்டு இருக்குறேன்..!!”
“என்னது..?? லேகாவோட பேசுனீங்களா..? நீங்க எந்த மெசின்ல இருந்து பேசுனீங்க..?”
“இதே மெசின்லதாண்டா இடியட்டு முண்டம்..!! இந்த ஆளு ராத்திரில உன்கூட பேசினா.. நான் அவ கூட காலைல பேசுவேன்..!!”
“ஓ..!! அந்த மெசினை எப்படி யூஸ் பண்ணனும்னு உங்களுக்கு தெரியுமா..?”
“ஏன்.. நானும் எலக்ட்ரானிக்ஸ் இஞ்சினியர்.. நானும் பி.எச்.டி..!! எனக்கு தெரியாதா..?”
“ஓ..!! நீங்களும் பி.எச்.டி யா..?”
“ஏன்.. இந்த வெளக்கெண்ணையே பி.எச்.டி பண்றப்போ.. நான் பண்ணக் கூடாதா..?”
சொல்லிக்கொண்டே அவள் சீனியரின் தலை முடியை பற்றி ஆட்ட, அவர் கரண்ட் ஷாக் வாங்கிய காக்கா மாதிரி கத்தினார். அவள் அவருடைய அலறலை கண்டுகொள்ளாமல் தொடர்ந்தாள்.
“லேகாகிட்ட டெயிலி பேசி.. உங்களுக்கு கவுன்டர் அட்டாக் கொடுக்க.. இன்ஸ்ட்ரக்ஷன் கொடுத்துட்டு இருக்குறேன்.. உங்க ப்ளான்லாம் வேற எப்படி நாசமா போச்சுன்னு நெனைக்கிறீங்க..?? அந்த மண்டையை உடைச்ச மேட்டர் பத்தி நீ கேக்குறப்போவும்.. கெட்டவன்னு பொய் சொல்லி கழட்டி விட ட்ரை பண்ணினப்போவும்.. எப்படி அவ உன்னை அழகா சமாளிச்சா..??? எல்லாம் என் ட்ரெயினிங்..!!”
“ஓஹோ..???”
“ட்ரெஸ் எடுக்க போன அன்னைக்கு.. எஸ்கேப் ஆக ட்ரை பண்ணுனியே.. கரெக்டா உன்னை கேட்டுக்கு பக்கத்துல வச்சு புடிச்சாளா இல்லையா..? அன்னைக்கு நீ ஜட்டி போட்டுட்டு போயிருந்தாலும்.. அவ உள்ள வந்து உன்னை கிஸ் அடிக்கிறது அடிக்கிறதுதான்.. தெரிஞ்சுக்கோ..”
“ஐயையே..!! ஜட்டி மேட்டரும் தெரியுமா உங்களுக்கு..?? அப்போ லேகா அந்த கவிதையை எடுத்து படிச்சதும் நீங்க சொல்லித்தானா..?”
“ம்ம்ம்.. பரவால.. புரிஞ்சுக்கிட்ட..!! இன்னும் இருக்கு.. கேளு.. !! ஜானியை இன்னைக்கு ரூம்ல இருந்து கெளப்பி விட்டது யாருன்னு நெனைக்கிற..?”
“லேகாவா..?”
“அந்த லேகா இல்ல.. இந்த லேகா..!!! கொஞ்ச நேரம் முன்னாடி நான்தான் அவனுக்கு கால் பண்ணினேன்..!! குலுக்கல் முறையில சில செல்போன் நம்பர்லாம் செலக்ட் பண்ணி.. ஃப்ரீயா குவாட்டரும், அன்லிமிட்டட் பிரியாணியும் போடுறோம்னு சொன்னேன்..!! நாய் மாதிரி நாக்கை தொங்கப் போட்டுட்டு கெளம்பிட்டான்..!! இப்போ என் காலுக்காக.. வாஷர்மேன்பேட் பஸ் ஸ்டாப்புல.. வாயை பொளந்துக்கிட்டு வெயிட் பண்ணிட்டு இருப்பான்…!! பாவம்.. நல்ல பையன்.. ஆனா அறிவே கெடையாது..!!”
“ஓஹோ..?? எங்க ப்ளான்ஸ்லாம் ப்ளாப் ஆனதுக்கு பின்னால.. இவ்வளவு மேட்டர் நடந்திருக்கா..?”
“பின்ன என்ன..??? ஏண்டா… கழட்டி வுடுறதுக்கு நீங்க ரெண்டு லூசுக சேர்ந்து.. ஒரு ‘அசோக் காலிங் அசோக்’ ரெடி பண்ணினா.. உங்களை கவுத்து போடுறதுக்கு.. நாங்க ரெண்டு பேரும் ஒரு ‘லேகா காலிங் லேகா’ ரெடி பண்ண மாட்டமா..?”
“லேகா காலிங் லேகாவா..???”
“வாயைப் பொளக்காத.. போனை கொண்டு போய் அவகிட்ட கொடு..!! நான் அவகிட்ட கொஞ்சம் பேசணும்..!! ம்ம்ம்… போ… சீக்கிரம்..!!” அவள் கோபமாக கத்த, நான் பதறினேன்.
“ம்ம்.. இ..இருங்க இருங்க.. இதோ.. ஒரு நிமிஷம்..!!”
நான் என் செல்போனை தூக்கிக்கொண்டு பெட்ரூமுக்கு ஓட, அந்த கேப்பை வீணடிக்காமல் அவள் அந்தப்பக்கம் சீனியரின் முகத்தில் ‘மங்கு மங்கு’ என்று குத்துகளை இறக்கினாள். நான் பெட்ரூமுக்குள் நுழைந்து, தூங்கிக் கொண்டிருந்த லேகாவை எழுப்பினேன்.
“லேகா.. லேகா..”
“ம்ம்.. என்ன அசோக்..” அவள் தூக்க கலக்கத்துடனே கேட்டாள்.
“உனக்கு கால் டா..”
“எனக்கா..?? யாரு…??”
சலிப்பாய் கேட்டுக்கொண்டே செல்போனை வாங்கியவள், அதன் திரையை பார்த்ததும், தூக்கம் கலக்கம் முற்றிலும் காணாமல் போனவளாய், உற்சாகமான குரலில் கத்தினாள்.
“ஹாய் சீனி…!!!!! எப்படி இருக்கீங்க..????” (என்னது..?? சீனியா..?? அடிப்பாதகத்திகளா.. என்னடி நடக்குது இங்க..??)
“நான் நல்லாருக்கேன் ஜூனி.. நீ எப்படி இருக்குற..?” அவ்வளவு நேரம் அவளுடைய முகத்தில் இருந்த ரவுத்திரம் எல்லாம் தொலைந்து போய், மலர்ந்த முகத்துடனும் கனிவான குரலிலும் லேகாவிடம் பேசினாள்.
Comments